Konferentziaren seigarren edizioa Brac uhartean (Kroazia) egin zen irailaren 8tik 11ra

Pasa den irailaren 8an hasi zen Spliteko Unibertsitateko Ingeniaritza Elektriko, Mekanika eta Itsas Arkitekturako Fakultateak antolatutako hitzaldiaren seigarren edizioa. Split inguratzen duten Adriatiko itsasoko uharte zoragarrietako batean egin zen konferentzia, Bracen hain zuzen ere.

Hainbat arlotan teknologia berritzaileak txertatzeari buruzko gai interesgarriak bildu zituen konferentziak. Beraz, gai interesgarriei buruzko lanak aurkeztu ziren, hala nola energia-sistema aurreratuak eta haien modelatzea, ekonomia zirkularra, adimen artifiziala, IoT, RFID sistemak…

Bestalde, Irati Zapirain EHUko doktoregaiak eta EKATEn parte hartzen duen UPV/EHUko taldeko kideak lan bat aurkeztu zuen “Smart Distributed Electrical Network” saio bereziaren esparruan. EHUko eta ESTIAko ikertzaileen eta doktoregaien laguntzarekin egin zen lan horretan, NARX motako neurona-sare bat garatu zen, Izarbel parke teknologikoko ESTIA 2 eraikinaren kontsumoa aurreikusteko. Emaitza onak lortzeaz gain, datu errealekin lan egiten den kasuetan eta iragarpenak egiteko datu gutxi dauden kasuetan neurona-sare bat nola diseinatu behar den argitzeko balio izan du lanak. Hori posible izan da hainbat sail eta diziplinatako ikertzaileen lankidetzari eta elkarlanari esker.

Horrez gain, aurkezpenari esker, EKATE proiektua ezagutzera eman zen.

Egileen aurkezpenez gain, oso txosten interesgarriak egin ziren interes eta gaurkotasun handiko gaiei buruz, hala nola “4.0 Industria” kontzeptua, Dimitrios Tzovarasek “Revolutionizing Indutry 4.0 with Artificial Intelligence?” izeneko hitzaldian garatu zuena, edo Nuno Vasco Lopes-en “Digital Transformation in the Industry of the Future” hitzaldia. Azpimarratzekoak dira puntualtasuna, eraginkortasuna eta, oro har, jardunaldien antolaketa ona.